Hiru egunetako epaiketa
Sutea eragin zuen gizonaren aurkako epaiketa Donostiako epaitegian egin da hiru egunez –astelehenean hasi zen– eta hainbat testigantza jaso dira, ertzainena eta sutearen lekuko izan ziren gazte batzuena, besteak beste.
Ertzainetako batek gaineratu du, Leintz Gatzagako telefono mugikorren antenari esker han kokatzen dutela akusatua. Horrez gain, sutearen egunean motorrean zihoazen gazte talde batek adierazi du, sutea ikustean tokira gerturatu zirela eta aurpegia kasko zuri batekin estalita zeukan gizonezko bat sastraka batzuei sua ematen ikusi zutela.
Fiskaltzaren ebazpena
Fiskaltzaren arabera, "baldintza metereologikoak onak ziren sutea pizteko: %57ko hezetasuna, hego haizea, 14 graduko tenperatura eta euri falta". Ministerio publikoak berriz, honako hau uste du: "Akusatuak pizgailu bat erabili zuen sua pizteko eta sutearen tokira matrikula gabeko motor batekin iritsi zen, kasko batekin aurpegia estalita zuelarik".