Google analytics-ek eskaintzen dituen datuen arabera, Goiena.eus-ek, egunero-egunero, 5.000-6-000 erabiltzaile inguru ditu eta albiste esanguratsuak daudenean, 8.000 eta 9.000 bisitariren bueltan dago. Bestalde, sesioek ere gora egin dute 2018an; astegunetan 7.000-8.000 bisita jasotzen ditu egunero.
'Goiena.eus'-eko bisitak %20 hasi dira 2018an zehar
Teknologiari dagokionez, mugikor bidezko bisitak trafiko guztiaren %60 dira dagoeneko, 2018an zehar dispositibo horren trafikoa ia %8 igo da Goiena.eus-en. Ordenagailu bidezko trafikoak aldiz beherantz egin du –%7–, nazioarteko tendentziari jarraituz. Datu horiek aintzat harturik egin dira webguneko azken berrikuntzak.
Orrialde bisitatuenak
Ikusle gehien dituzten orrialdeetan ez da aldaketa handirik egon; zorion agurrak, Oñati, eskelak, Bergara eta Arrasate orrialdeek jarraitzen dute bost orrialde bisitatuenak izaten –aipatutako hurrenkeran–. Hala ere, bereziki aipatzekoa da eskelen orrialdeak izandako igoera, 2017an baino %68 bisita gehiago izan baititu 2018an.
