Gipuzkoako autobus-gidarien greba deitu dute sindikatuek

Biharko, uztailak 13, eta etzirako deitu dute greba LAB, ELA, UGT eta CCOO sindikatuek, patronalarekin zuten aurreakordioa bertan behera gelditu ostean. Uztailaren 20 eta 21erako ere greba egiteko deia luzatu dute.

[AZKEN ORDUKOA 16:40] Autobus-gidarien dietei buruzko akordioa lortu ostean bertan behera geratu da greba.

Uztailak 13 eta 14, eta baita hurrengo asteko egubakoitz eta zapaturako ere greba deitu dute sindikatuek Gipuzkoako autobus-zerbitzuan. Sindikatuek azaldu dutenez, "ekainaren 8an lortutako aurreakordioa hautsi du Abitrans patronalak", eta horregatik bat egin dute LABek, ELAk, UGTk eta CCOOk, elkarrekin deialdia bultzatzeko.

"Zerbitzu erregularreko gidariek dieta jasotzeko eskubidea izateak atzera bota du patronalak aurreakordioa sinatzerako orduan. Gutxieneko baldintzak betetzea eskatzen dugu", azaldu dute, horrela negoziaketa mahaian parte hartzen duten lau sindikatuek. Horrela, Pesa, Lurraldebus eta Ekialdebus enpresetako langileak egongo dira greba egitera deituta uztaileko lau egun hauetarako.

Zerbitzu minimoak

Erabiltzaileendako, hala ere, Eusko Jaurlaritzak ezartzen dituen zerbitzu minimoak egongo dira ziurtatuta. Zerbitzu horiek, gutxienez, %30ekoak izango direla baieztatu dute Foru Aldundiko Mugikortasun eta Lurralde Antolaketa sailetik.

Bailarako zerbitzuan ere eragingo du grebak. Izan ere, Lurraldebusek kudeatzen dituen autobus zerbitzuez gain, Arrasateko, Bergarako eta Oñatiko Herribus zerbitzuek ere greba egingo dute. Hauetan ere zerbitzu minimoak egongo dira.

Erlazionatuak

Gipuzkoako autobus-gidarien greba dela-eta, zerbitzu minimoak egongo dira bihar eta etzi

Oñati

Uztailak 13, 14, 20 eta 21erako deitu dute greba LAB, ELA, UGT eta CCOO sindikatuek, patronalarekin zuten aurreakordioa bertan behera gelditu ostea...
Gipuzkoako autobus-gidarien greba dela eta, zerbitzu minimoak Arrasaten

Arrasate

Gipuzkoako autobus-gidarien greba deitu dute sindikatuek uztailaren 13, 14, 20 eta 21erako. Eusko Jaurlaritzak gutxieneko zerbitzuak finkatu ditu, ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.