Azken hauek onartu dute zerbitzuak badituela "desoreka batzuk" eta "ikerketa sakon baten beharra" ikusi dute, langileen ordezkariek azaldu dutenez. Asteak iraungo dituen prozesu horrek ekarriko luke egin beharreko lanaren egokitzapena. Azterketa horretan langileek ere izango lukete parte-hartze zuzena.
Langileen ordezkariek "modu positiboan" baloratu dute Mankomunitateek eta Enviserrek "akordioetara iristeko eta gatazka konpontzeko egin duten esfortzua". Langileek diote, zerbitzuaren kudeatzaileak "proposamen zehatzak" jarri dituela mahaiaren gainean, bai "kaleratzeen inguruan" eta baita lan "baldintzen inguruan". Horrela, "agerian gelditu da" badagoela alde guztien borondatea "Sektoreko Hitzarmena errespetatuko duen irteera aurkitzeko" diote langileek.
Dena den, negoziaketek benetako emaitzak zehaztu arte, langileen batzarrak erabaki du oraingoz greba deialdiari eustea. Urriaren 16an jarriko lirateke greban.
Gatazka sortu zen hiri hondakinak kudeatzeko enpresa berriak ez zituelako langile guztiak kontratatu. Hain justu ere, 8 langile kaleratuak izan zirelako eta gainontzekoei "baldintzak okertu" zizkielako. Egoera horretan, langileen batzarra "aho batez" onartu zuen greba deialdia egitea. Aldarrikapenak argiak ziren, langileen esanetan: "8 kaleratuak berronartzea, lan hitzarmena errespetatzea eta kalitatezko zerbitzua bermatzeko bitartekoak jartzea".