Batez ere lasaitasun bila etortzen direla azaldu du Maite Aristegi Lamaino Etxeberri landetxeko jabeak: "Gehienak herrialde katalanetatik datoz, Madriletik, gutxiago, berriz, estatu espainoleko beste inguru batzuetatik: Andaluzia edo Galiziatik. Bestalde, atzerritik: italiarrak, frantsesak… etortzen dira, eta aurten, gurean, bertako jatorria dutenak izan dira, Amerikan bizi direnak, eta egonaldi luzeak egiten dituztenak".
Lasaitasun bila
Debagoiena puntu estrategiko oso onean daude, eta Euskal Herriko edozein lekutara mugitzeko aproposa dena. "Herri politak ditugu, alde zahar interesgarriak, eta asko estimatzen dute lasaitasuna. Paisaiaz disfrutatzea, eraikuntzak ikustea…".
Turismo ereduaren polemika
Euskal Herrian turismoaren ereduaren inguruko polemika izan da, eta Debagoienean egoera ezberdina izan arren, aztertu beharko genukeela adierazi du Aristegik: "Turismoa errekurtso garrantzitsu bat izan daiteke gure herrian, baina denok bizitzeko moduko bat. Hona etorritako turista batzuk, Donostiatik etorri, eta oso masifikatuta dagoela esan digute… aztertu beharreko gai bat dela uste dut".