Beharrezko inbertsioa espero baino askoz ere handiagoa dela aitortu du Edesa Industrialek

Edesaren planta.

Produkzio zein industriaren egitura kostuak oso handiak dira. Oreka bakarrik lortu ahalko litzateke etorkizun hurbilean lortzeko nekeza izango den salmenta kopuru jakin batekin bakarrik; horrela adierazi dute Edesa Industrialetik komunikatu bitartez.

Hain justu ere, Fagor markako produktuak fabrikatzen dituen Edesa Industrialetik aitortu dute unitate produktiboa eskuratu ondoren identifikatu zutela ustiapen kontuaren oreka lortzeko beharrezko inbertsioa espero baino askoz ere handiagoa dela.

Tentsio finantzarioak

Jakinarazi dute 2014tik hona (Fagor produktuen fabrikazioa eskuratu zutenetik) aurreikusitakoa baino 20 milioi euro gehiagoko inbertsioa egin dutela. Gaineratu dute tentsio finantzarioek eragin dutela diruzaintza kontuaren gutxitzea (likideziaren gutxitzea) eta hain justu ere, arrazoi horiengatik aurkeztu zutela ekainaren 30ean konkurtso aurrekoa.

Denbora eskuratzea

Azpimarratu dutenez, helburua da enpresa eta negozioa birmoldatzeko nahikoa denbora izatea; eta horrek dakarrela entitate finantzarioekin akordio berriak lortzea eta baita ere enpresa egitura sostengarri eta egonkorra definitzea.

Jarraikortasunaren alde

Ildo beretik, diote CNAk jarraikortasunaren aldeko apustua egiten duela, markaren indarrarengan konfiantza duelako, eta zorra birfinantzatzeko eta egitura gastuak gutxitzeko helburuarekin bideragarritasun plana lantzen dihardutela.

Jakinarazi dute negozio plan berria Fagor markan oinarritzen dela batik bat, nazional eta nazioarteko mailako salmentetan, eta baita ere Ikerketa, Garapen eta Berrikuntzan, eta bakarrik ekonomikoki eraginkorra eta iraunkorra dela erakusten duen produkzioa mantentzean.

Erlazionatuak

Ricardo Perez: "Iragarritako plana gauzatzen ez zela ikusten hasi ginenetik gabiltza bideragarritasun planak eskatu eta eskatu"

Arrasate Eskoriatza

Edesa Industrial konkurtsoaren aurrekora aurkeztu izanak "langileengan eragin duen larritasuna" partekatu du bertako Langile Batzordeko ordezkariak...
Edesa Industrial "oraindik bideragarria" izan daitekeela uste du LABek

Arrasate

Edesa Industrial enpresak aurkeztutako hartzekodunen konkurtso aurrekoaren irakurketa "kezkagarria" egin du LABek. Sindikatuak adierazi duenez, ber...
ELA sindikatuak uste du "ezinbestekoa" dela egungo egitasmoa goitik behera aldatzea

Arrasate

"Iritzi publikoari saltzen zitzaion irudiak ez zeukan zerikusirik enpresaren benetako egoerarekin; erakundeak zuzendaritzaren jarrera babestu dute....

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.