'Roaming'-a Andorrara bidaiatzerakoan: batzuentzat bai, besteentzat ez

(Argazkia: GdeProtocolo)

Hemendik aurrera, Frantziako, Alemaniako eta Herbehereetako biztanleek Andorrara bidaiatzen dutenean ez dute roaming tarifarik izango. Espainiako telefono konpainiako bezeroek aldiz, orain arteko moduan, roaming-a ordaintzen jarraitu beharko dute.

Hilaren 15ean roaming tarifak Europar Batasunean desagertu ziren Ibiltaritza etxean bezala ekimenaren baitan. Andorra Europar Batasuneko kide ez denez, roaming-a izaten jarraitu beharko luke; baina honek turismoan eragin negatiboa izango duela aurreikusita, Espainiako telefono konpainiekin adostasunera iritsi nahi dute.

Frantziak, Alemaniak eta Herbehereek borondatez atxiki dute Andorra Ibiltaritza etxean bezala ekimen europarrera. Andorrara joaten diren espainiar turisten kopurua Frantzia eta inguruko beste herrialdeetako baino askoz handiago da. Horren ondorioz, Frantziako operadoreei beraien bezeroei Andorrako ibiltaritza kostuak kentzeak ez litzaieke diru galera handia ekarriko. Gainera, Carles Casadevall, Andorra Telecom-eko zuzendari internazionalak, Ara egunkari katalanari adierazi dionez, "operadore espainiarrak roaming-aren hartzaile handiak ziren eta Europar Batasuneko arau berri honekin gehien sufritzen ari direnak dira".

Turismoan eragin negatiboa

Roaming-ak Andorrako turista kopuruan beherakada ekarri dezakeela aurreikusiz, Andorra Telecom Espainiako operadore ezberdinekin akordioetara iritsi nahian dabil. Hala ere, momentuz ez dira aurrerapenik egon. Uda honetan roaming kostu altua ordaindu nahi ez bada beraz, orain arteko irtenbideetako bat aukeratu beharko da: datu paketeak kontratatu edo ibiltaritza deskonektatu eta komunikatzeko soilik wifi seinaleaz baliatu.

Erlazionatuak

Agur ‘roaming’ tarifei

Debagoiena

Bihar sartuko da indarrean roaming tarifak Europar Batasunean desagertu arazten dituen akordioa. Izan ere, Ibiltaritza etxean bezala ekimenak Europ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.