Erraustegia eraiki, kudeatu eta ustiatzeko kontratua esleitzeko erabakia sinatu du Asensiok

"Urbaserrek lideratutako UTEaren esku geldituko da Ingurumen Zentroa eraiki, kudeatu eta ustiatzeko kontratuaren behin betiko esleipena. Obrak hilabete eta erdiko epean hasiko dira gutxi gora behera", Foru Aldundiak azaldu duenez.

Euskadiko Justizia Auzitegi Nagusiaren epaiaren berri Gobernu Kontseiluari eman ondoren eta zerbitzu juridikoen aldeko irizpena jasota, Jose Ignacio Asensiok, Gipuzkoako Hondakinen Kontsortzioko presidente gisa, gaur goizean sinatu du Zubietako errauste planta eraiki, kudeatu eta ustiatzeko kontratuaren behin betiko esleipena Urbaserrek lideratutako UTEaren alde. Obrak hilabete eta erdiko epean hasiko dira gutxi gora behera, Foru Aldundiaren arabera.

Eskaintza irabazlea aurkeztu dutenak dira Urbaser; LKS, Moyua, Murias eta Altuna y Uria enpresak; Meridian Investments funts frantziarra; eta Steinmuller Babcok teknologo alemaniarra. "Azken hori da, hain zuzen ere, balorizazio plantako labean aplikatuko diren teknologien arduraduna. Mundu mailako erreferentzia da gai honetan; 460 errekuntza unitate eta mota honetako 49 planta instalatu ditu mundu osoan zehar", azaldu dute Gipuzkoako Foru Aldunditik.

"Urbaserrek, bestalde, CNTY talde txinatarraren babesa du. Ingurumenean eta hondakinen kudeaketan espezializatuta dago. 7 planta instalatu ditu jada, eta beste 6 eraikitzen ari da. Horrela, urtean 5 milioi tona kudeatuko ditu guztira", aipatu du Aldundiak.

"Esleitutako instalazioak oso teknologia aurreratua du isurketei dagokienez, eta, horrela, gainditu egiten ditu araudi zorrotzenek eta Eusko Jaurlaritzak emandako ingurumen baimen bateratuak ezarritako parametroak. Punta-puntako teknologia duen eskaintza osatzen dute. Berme guztiak ditu, eta erantzun integrala eskaintzen die planteatutako beharrei", dio Diputazioak.

Ingurumeneko arduradunen hitzetan, "eskaintza moderno eta eraginkorra da, Gipuzkoak herrialde aurreratuenen mailara jartzeko behar dituen soluzioak eskaintzeko diseinatua, eta hori guztia baldintza ekonomiko lehiakorrenetan, gipuzkoarren poltsikorako aurrezpena ahalbidetuz”.

Erlazionatuak

GuraSOS plataformaren helegitea atzera bota du EAEko Auzitegi Nagusiak

Debagoiena

Imanol Lasa Gipuzkoako Aldundiko bozeramaleak jakinarazi du, helegitea atzera bota dutela: "GuraSOS elkarteak errauskailuaren esleipena geldiarazte...
Erraustegiaren lizitazioarekin ez jarraitzeko agindu dio Donostiako 2 epaitegiak Foru Aldundiari

Debagoiena

Gurasos plataformari arrazoia eman dio Donostiako 2 epaitegiak eta Gipuzkoako Foru Aldundiari agindu dio oraingoz erraustegiaren lizitazioarekin ez...
Erraustegiaren obrak esleitu ditu Gipuzkoako Hondakinen Kontsortzioak

Debagoiena

Gipuzkoako Hondakinen Konsortzioko batzarrak, kontratazio mahaiak proposatuta, onartu du Gipuzkoako Ingurumen Gunearen (GIG-1) eraikuntza, kudeaket...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.