GuraSOS plataformaren helegitea atzera bota du EAEko Auzitegi Nagusiak

Imanol Lasa Gipuzkoako Aldundiko bozeramaleak jakinarazi du, helegitea atzera bota dutela: "GuraSOS elkarteak errauskailuaren esleipena geldiarazteko jarritako errekurtsoa atzera bota du Euskadiko Justizia Auzitegi Gorenak".

Euskal Autonomia Erkidegoko Auzitegi Nagusian GuraSOS plataformak jarritako helegitea ebatzi artean erraustegiaren lizitazioarekin ez jarraitzeko agindua eman zion Donostiako 2 epaitegiak Gipuzkoako Foru Aldundiari. Helegite hori, atzera bota du Auzitegi Nagusiak, eta Gipuzkoako Foru Aldundiak, erraustegiaren lizitazioa sinatuko du lehenbailehen", Aldundiak ezagutzera eman duenez.

"Euskadiko Justizia Auzitegi Gorenaren epaia irmoa da, eta errauskailu proiektuaren interes publikoa eta zilegitasuna azpimarratzen ditu", azaldu du Imanol Lasak.

GuraSOS plataformak prentsaurrekoa eskaini du, berria jakin bezain laster, eta "erabakia ez dagokiela auzitegiei, herritarrei baizik", adierazi dute. Hori dela eta, manifestaziorako deia egin die akordioaren alde dauden guztiei. Manifestazioa otsailaren 19an egingo dute 12:00etan Artzain Onaren katedraletik abiatuta.

Erlazionatuak

Erraustegiaren lizitazioarekin ez jarraitzeko agindu dio Donostiako 2 epaitegiak Foru Aldundiari

Debagoiena

Gurasos plataformari arrazoia eman dio Donostiako 2 epaitegiak eta Gipuzkoako Foru Aldundiari agindu dio oraingoz erraustegiaren lizitazioarekin ez...
Erraustegiaren obrak esleitu ditu Gipuzkoako Hondakinen Kontsortzioak

Debagoiena

Gipuzkoako Hondakinen Konsortzioko batzarrak, kontratazio mahaiak proposatuta, onartu du Gipuzkoako Ingurumen Gunearen (GIG-1) eraikuntza, kudeaket...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.