Lezetxikin bi urtez eten egingo dituzte lanak batutako guztiaren bilduma egiteko

20 urtez ibili dira Arrasateko Lezetxiki indusketa gunean lanean eta guztira 55.000 pieza atera dituzte.

Aranzadi zientzia elkarteko kideak 20 urtez ibili dira Lezetxiki koba aztertzen, Alvaro Arrizabalaga arkeologo oñatiarra buru dutela. Orain, baina, bi urtetan ez dituzte indusketa lan gehiago egingo. Atsedenaldi hori aprobetxatuko dute orain arte aurkitutakoen bilduma egin eta monografikoak egiteko.

20 urteko balantzea egiterakoan datu bat baino gehiago eman ditu Alvaro Arrizabalaga arkeologoak. Horietako bat hauxe: 55.000 aztarna, pieza, atera dituztela Lezetxikitik.

Emandako datuen artean indusketa lanei buruzko egindako artikulu eta elkarrizketak ere aipatu ditu, baita aztarnategian lanean ibili diren boluntarioen zenbatekoa ere: bost kontinentetatik etorritako 318 lagun. Gaur ere hamar bat gazte zebiltzan lanean, Hernanikoak, Valentziakoak, Gasteizkoak, Oñatikoak eta Arrasatekoak tartean. Batzuk gainera, behin baino gehiagotan etorri dira Lezetxikira.

Arrizabalagak behin eta berriz eman dizkio eskerrak Arrasateko Udalari Lezetxikiren alde egindako lanagatik. Udalak ere balio handia ematen dio kobari eta hor egindako lanari eta bi urte barru lanekin jarraitzeko aukera badagoela esan du kultura zinegotziak.

Datozen bi urte hauetan koba nola zaindu edo babestuko duen oraindik ez dutela aztertu esan du Mendietak. Alvaro Arrizabalagak, bestalde, prest agertu da bisita gidatuak egiteko, Udalak hori egitea ondo ikusten badu.

Erlazionatuak

Lezetxikiko altxorren bila

Arrasate

21 urte daramatza Aranzadi elkarteak koba hau modu sistematikoan aztertzen. Astelehenean hasi zituzten aurtengo indusketak, eta uztailaren 16ra art...
Emankor segitzen du aztarnategiak Lezetxikin

Arrasate

Lezetxikin 20 urte bete dituzte aurten indusketek. Aztarnategi oparoa da Arrasatekoa eta ikusteko dago oraindik ere areago arakatzerik badagoen. Ha...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.