Aldundiak 864.000 eurorekin bultzatuko ditu 2.500 biztanle baino gutxiagoko herrietako inbertsioak

Debagoienean Antzuolak, Elgetak eta Leintz Gatzagak jasoko dute. "Inbertsioak sustatzea dute helburu, lurralde orekan aurrera egiteko, eta herri txikietako bizi-kalitatea hobetzen laguntzeko", Aldunditik azaldu dutenez.

Diputatuen Kontseiluak diru-laguntza lerro espezifikoa onartu zuen atzoko bilkuran, 2.500 biztanle baino gutxiago dituzten Gipuzkoako Udalei zuzendua, eta 864.000 eurorekin hornitua. 48 udalerri daude guztira lurraldean kategoria honetan sartzen direnak; Debagoienean, Antzuola, Elgeta eta Leintz Gatzaga.

Imanol Lasa foru bozeramaileak azaldutakoaren arabera, ondoko arloekin lotutako inbertsio proiektuak dira babestuko direnak: oinarrizko azpiegiturak –banda zabaleko internet izan ezik-; hiru-ingurune hondatuetan eremu publikoaren lehengoratzea eta bere hirigintza egokitzea –landa-bideak egiteko eta hobetzeko proiektuak ezik-; integrazioa eta kohesio soziala, zahartze aktiboa eta haurrei eta nerabeei zuzendutako ekintzak; eraginkortasun energetikoa hobetzea, kontsumo elektrikoa gutxitzea, edo energia berriztagarrien sistemak ezartzea; eta azkenik, turismoaren sustapena. Proiektuen gutxieneko inbertsioa 8.000 eurokoa izan beharko da.

Diru-laguntza hauekin, Aldundiak "erantzuna eman nahi die udalerri txikiek dituzten beharrei, ongizatearen eta bertako biztanleen bizi-kalitatearen ikuspegitik, udalek aurrekontu murriztuekin azpiegituretan eta komunitate-ekipamenduetan inbertsioak egiteko dituzten zailtasunetatik eratorriak". Bestalde, landa-ingurunean dauden udalerriak dira eta “kudeaketa, eta lurralde eta ingurune oreka funtzioa betetzen dute; gipuzkoar guztiontzako onuragarria, eta beraz, babestu beharreko balioa da”, nabarmendu du bozeramaileak.

Deialdi espezifiko honek, duela gutxi aurkeztutako Landagipuzkoa+ programa osatzen du. Horren bitartez, Aldundiak 25 milioi euro bideratuko ditu 2.500 biztanle baino gutxiago dituzten herrietara, lau lan ildo nagusiren bitartez: zuntz optikoko sarea hedatzea –banda ultra-azkarra- , ekonomia sustatzeko proiektu estrategikoak, landa eta baserri bideak –gutxienez 1.500 kilometrotan zehar hobetze lanak egitea espero da-, eta sare elektrikoa berritzeko egitasmoa –transformagailu berriak, tentsio altu eta baxuko lineak, eta linea elektrikoa-.

Erlazionatuak

Baserri bideak konpontzeko laguntzen deialdira aurkeztu dira ia udal guztiak

Debagoiena

25 milioiko aurrekontuarekin abiarazi da Landagipuzkoa+ egitasmoa. Helburua da landa ingurunearen eta herrigune handien arteko desorekak konpontzen...
Debagoieneko herri bakoitzak 35.000 euro arteko laguntzak jaso ditzake baserri bideak konpontzeko

Debagoiena

Ekonomia Suspertzeko Planaren barruan dagoen lehen sektoreari lotutako Landagipuzkoa+ egitasmoak 25 milioiko laguntzak banatuko ditu Gipuzkoako her...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.