Korrika 19

Badator Korrika Debagoienera!

Astelehen goizarekin Debagoienean izango da Korrika. 06:00etarako iritsiko da Udanako gainera Legazpin barrena, eta, Oñatitik pasa ostean, bailarako bideetan ibiliko da eguerdia bitartean (albiste barruan ordutegia).

Korrikaren Debagoieneko ibilbidearen jarraipen osoa egingo du Goienak. Furgonetatik bertatik, herriz herri, Korrika Txikiak… egunean bertan, Debagoiena zuzenean saioak tarte berezia eskainiko dio. Goiena.eus-en argazki galeriak eta bideoak izango dira ikusgai egunean bertan, herrietatik pasa orduko. Euskahaldun guztion argazkiak jasoko ditugu Goiena.eus-en. Bidali itzazue zuen argazkiak Whatsapp bidez 688 690 017 zenbakira eta Twitterren #korrika eta #goiena traol-berbekin argitaratu, eta Goiena.eus-en jarriko ditugu.

Hauxe da Korrikak Debagoienean izango duen ordutegia. Arrasatetik eta Aretxabaletatik birritan pasatuko da, eta Eskoriatzara ere iritsiko da (08:34):

Debagoienean ere, agerikoa da Korrikarekiko dagoen maitasuna. Fideltasun handia erakusten dute parte hartzen duten herritarrek, eragileek eta erakundeek. 

Baina, gainera, urtetik urtera handituz joan da atxikimendu hori; horren adierazle da aurten kilometroa hartu duten parte-hartzaile "berriak" daudela. Horrela eman dio jakitera Goienari Korrikaren Debagoieneko koordinatzaile Maite Ilarduiak:

Arrasate: Mondragon Taldeak eskuratu du kilometroa, Laboral Kutxak ere bai, eta baita Debagoieneko Ospitaleak, erakunde bezala, eta ospitaleko langileek, euren kabuz.  

Oñati: Lagun Lekuko erretiratuek estreinaldia dute. Bestalde, Zubillagako suhiltzaileek kamioiak-eta aterako dituzte eta sirenak eta argiak erabilita harrera egingo diote Korrikari.

Bergara: Elay enpresak 50 urte beteko dituenez, eta Jose Luis Elkoro enpresaren sortzailea izan zenez, Elayri dagokion kilometroaren lekukoa haren atari parean hartuko dute. Bestalde, adibidez, "lagun batzuek atzerriko euskaldunberri bati kilometroa oparitu egin diote, berak parte har dezan", kontatu du Ilarduiak.

Aretxabaleta: GRS egoitzakoek parte hartuko dute estreinakoz. "Nahi dituzte egoitzako nagusiak atera. Hala, apurtxo bat motelduko da Korrika bertatik pasatzerakoan. Gustu handiarekin egingo dugu. Eta badakigu gainontzekoek gero korrika arinago egingo dutela inongo arazo barik, GRSko nagusiek ez dute-eta beste aukerarik parte hartzeko", dio Korrikaren koordinatzaileak. 

Eskoriatza: Korrika herri barrura sartzen ez denez, Postaka (korrika) egingo duteetzi, martxoaren 20an. Bestalde, bertan ordezkaritza duen Ansareo enpresak utziko ditu Korrikarekin Euskal Herria zeharkatuko duten furgonetak. 

Antzuola: Korrika ez da handik pasatzen, eta, hala ere, Antzuolako enpresa esanguratsuenek parte hartuko dute bertan: Goizperrek, Matz Errekak eta Elayk. Eta, jakina, baita Udalak ere, bestelakoen artean. 

Leintz Gatzaga: "Nahiz eta ez pasatu bertatik, kilometroa eskuratu dute. Korrika Kulturala ere oso ondo landu dute, eta agerikoa da Korrika presente egoten dela Gatzagan", dio Ilarduiak.

Aramaio: berezitasun handia du. Herriko talde guztien artean herri-poltsa egiten dute eta horrekin eskuratzen dituzte Aramaiori dagozkion kilometro guztiak. Gero, euren artean banatzen dituzte kilometrook. Adibidez, Santa Agedan batutako dirua erabiltzen dute horretarako…

Elgeta: lau kilometro egiten ditu Korrikak handik, eta zortzi elkarteren artean eskuratu dituzte kilometrook. "Eta Elgeta ere txikia da", nabarmendu du Maite Ilarduiak.

Erlazionatuak

Oñatiarrak Ibardinen Korrika

Oñati

Oñatiko kuadrilla batek herritik kanpo hartzen du kilometroa Korrikaren azken edizioetan. Aurten Ibardin mendatean egin dute, Beran, Nafarro...
Arrasatearrak Dublinen Korrika

Arrasate

Dublinen ere egin dute Korrika, eta bertan arrasatearrak ere izan ditugu; argazki hauek, lekuko (albiste barruan gehiago).
Gipuzkoan, Nafarroan eta Lapurdin ibiliko da gaur Korrika: bidali argazkiak!

Debagoiena

Goizaldean sartu da Korrika Gipuzkoan, Berastegitik; arratsaldean, baina, Nafarroara itzuliko da Beran barrena, eta Lapurdin ibiliko da iluntzean, ...
Bailarara iritsi bezperatan, debagoiendarrak batean eta bestean Korrika

Debagoiena

Bihar goizaldera iritsiko da Korrika Debagoienera. Hainbat debagoiendarrek, baina, ez dute astelehenera arte itxaron nahi izan, eta batean eta best...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.