Korrika 19

Bailarara iritsi bezperatan, debagoiendarrak batean eta bestean Korrika

Bihar goizaldera iritsiko da Korrika Debagoienera. Hainbat debagoiendarrek, baina, ez dute astelehenera arte itxaron nahi izan, eta batean eta bestean ibili dira Korrika asteburuan: Oiartzunen, Lesakan, Beran...

Edonon dela ere, bidali Korrikako argazkiak eta bideoak eta Goiena.eus-en aterako ditugu; Whatsapp bidez 688 690 017 zenbakira eta Twitterren #korrika eta #goiena traol-berbekin argitaratu. 

Gaur goizean Donostiara iritsi da lekukoa, eta Urolan, Tolosaldan eta Goierrin ibili ostean, bihar goizeko 06:00etan sartuko da Debagoienean, Udanatik barrena.

Korrikaren Debagoieneko ibilbidearen jarraipen osoa egingo du Goiena Komunikazio Taldeak martxoaren 23an. Furgonetatik bertatik, herriz herri, Korrika Txikiak… egunean bertan, Debagoiena zuzenean saioak tarte berezia eskainiko dio. Goiena.eus-en argazki galeriak eta bideoak izango dira ikusgai egunean bertan. Euskahaldun guztion argazkiak jasoko ditugu Goiena.eus-en aurrez aipatutako bideak erabilita, Whatsapp eta Twitter.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.