Durangoko Azoka

Debagoieneko sortzaileen lanak, aurtengo Azokan

Aitziber Aranburuzabala Juldain 2014ko abe. 4a, 17:44

PRIME-TIME Egilea: John Andueza. Argitaletxea: Elkar. Bala eta Klemente detektibearen istorioak kontatu ditu Arrasatekoak. Anduezaren lehenengo nobela beltza da honakoa.	SAN FERMINETAN, LESAKAN Egilea: John Andueza. Argitaletxea:Elkar. Bilintx institutuko DBH. 4. mailako ikasleak dira protagonista; gazteentzako proposatutako eleberri umoretsua eta irakurterraza.	LURREAN ETZANDA Egilea: Ruper Ordorika. Argitaletxea: Elkar.Esparru ezberdinetara iristeko helburuaz sortu du Oñatikoak azkeneko diskoa. Egilearen esanetan, librea eta nortasun handiko lana.
SUA Egilea: Emon. Argitaletxea: Baga-Biga. Bergarako taldearen hirugarren lana da. Askotariko gaiei buruzko hitzekin osatutako 13 kanta dantzagarrik osatzen dute.	LOU REED, MILA ESKER Egilea: Jonan Ordorika. Argitaletxea: Autoekoiztua. Lou Reeden hainbat kantu ezagunen euskarazko moldaketekin osatutako omenaldi diskoa. Goseren standean egongo da salgai.	GOSARIAK Egilea: Gose. Argitaletxea: Jangura Produkzioak. Hainbat diziplina artistiko batzen dituen proiektua. Gose, Joseba Sarrionandia, Iñigo Arregi eta Juan Luis Goikoleak egindakoa.
EUTSIKO DIOGU? Egilea: Fermin Etxegoien. Argitaletxea: Erein. Sorkuntza arloko 12 lagunei egindako elkarrizketa bilduma da. "Eutsiko diogu?" galderari emandako erantzunez osatutakoa.	POESIAK SALBATUKO GAITU + ... Egilea: Maite Toledo. Argitaletxea: Autoekoiztua. Poesia eta irudiak elkarren osagarri diren bi lamina egin ditu antzuolarrak. Edizio mugatua da; bakoitzetik 50 ale atera ditu-eta bakarrik.	OCTUBRE DE 1934 EN EUSKAL HERRIA Egilea: Juan Ramon Garai. Argitaletxea: Intxorta 1937 Kultur Elk. Euskal Herrian 1934ko iraultzaren inguruan herriz-herri eman ziren borrokak eta borrokalarien izenak batzen dituen lana.
SUTE PERFEKTUA Egilea: Anger. Argitaletxea: Bonberenea Ekintzak. Post hardcore eta rock gogorreko erritmoak oinarri, soul funk eta rap doinuekin nahastuta arrasatearren laugarren lan luzean.	HAINBAT OHE HUTS Egilea: LKRTSN. Argitaletxea: Autoekoiztua. Irailean Arrasaten egin zuten Elkartasun egunerako herriko hainbat musikarik sortutako diskoa. Maukaren standean izango da.	PANTAILAK Egilea: Ladis Lao. Argitaletxea: Bonberenea Ekintzak. Brigada Criminal, Captain Nemo eta Eskoria-Tza taldetan ibilitako musikariek sortutako proiektuaren estreinako lana.
BARNEKO AHOTSAREN BILA Egilea: Fly Shit. Argitaletxea: Autoekoiztua. 1996. urtean Bergaran sortutako taldeak argitaratu berri duen lana. Aurreko lanen estiloari jarraituz, hardcorea du oinarrian.	BEHI BI BLUES Egilea: Gaizka Azkarate & Azkaiter Pelox. Argitaletxea: Gaztelupeko Hotsak. Hiru urteetako elkarlanaren fruitua da hamaika kanturekin osatutako bilduma. Blues doinuak oinarri dituen diskoa da.	EUSKERA ERRO ETA GARA Egilea: Bittor Kapanaga. Argitaletxea: Gerediaga. Euskaldunen mundu ikuskerari eta hizkuntzari buruz Kapanagak egindako bost obra. Juan Martin Elexpuruk izan da editorea.
BADOA... BADIRAU Egilea: Ain_1. Argitaletxea: Autoekoiztua. Laukote arrasatearraren bigarren lana da; Musika kaxa aurreko lanaren bidetik doa. Lozorroan sartuko den Ain_1 taldearen gero artea.