Antzuola da Bergara Hiria torneoko lehen finalista, etxekoei irabazita

1 eta 2 irabazi zion Antzuolak Bergarari egubakoitz arratsaldean Agorrosinen jokatutako lehen finalerdian. 0 eta 2 aurreratu ziren antzuolarrak lehen zatian, eta bigarrenaren erdi aldera jokalari bat gutxiagorekin gelditu arren, garaipena eskuratu zuten.

Antzuolako entrenatzaile Jon Muruamendiaraz gustura zen neurketa bukaeran, batez ere, taldeak defentsiboki egindako lanarekin: "Orain arte landutako gauzak zelaira eraman ditugu". Baloi gabe egindako lanarekin, beraz, pozik antzuolarrak.

Zelai erdiaren jabe izanda, erasoan ere bi gol egitea lortu zuten, dena den, Muruamendiarazen mutilek, lehen zatiaren erdi aldera: Ander Aranak egin zuen lehena eta, urrutitik egindako jaurtiketa batekin, Jokin Gorostolak bigarrena.

Bergarak, berriz, ezer gutxi egin zuen erasoan lehen zatian. Bigarrenean, zerbait gehiago, baina, batez ere, baloiaren jabetzan igarri zen aldaketa atsedenaldiaren ostean. Bergararrek lehen zatitik bigarrenera talde osoa aldatuta eta antzuolarrak bat gutxiagorekin bigarren zati erditik aurrera –bigarren txartela erakutsita Markel Lete kanporatu zuen epaileak–, baloia mahoneroena izan zen, eta Eñautek egin zuen etxekoen gola.

Berdinketarik ezin lortu, hala ere, partiduko azken minutuetan, eta Antzuolak jokatuko du domekan (18:00) Bergara Hiria torneoko finala. Aurkaria beste finalerditik aterako da: Mondrak eta Aretxabaletak neurtuko dituzte gaur indarrak, 18:00etan hasita, Agorrosinen.

Erlazionatuak

Bergara Hiria irabazi baina jokalari bat galdu du Antzuolak

Bergara

Itxuraz, lesio larria egin zuen Ander Arana aurrelariak, eta horrek mikaztu zien garaipenaren zaporea. Antzuola 3 - UDA 2 izan da emaitza.
Mondrari irabazita, Aretxabaleta izango da gaur Antzuolaren aurkaria Bergara Hiriako finalean

Bigarren finalaurrekoan, 3 eta 1 hartu du mendean Aretxabaletak Mondra. Lehen zatia 2 eta 1ekoarekin amaitu eta gero, bigarrenean Aretxabaleta izan...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.