%2021.42.21.jpg)
Antzuolak eta Aretxabaletak arratsaldean jokatutako Bergara Hiria torneoko finala parekatua izan da lehenengo zatian. Bi taldeek ekin diote indartsu partiduari, eta Antzuola izan da gola egiten aurrenekoa, lehen zatiaren erdi aldera, Jokin Gorostolaren bitartez. Laster berdindu du Aretxabaletak, eta berriz ere Antzuola aurretik jarri arren, atsedenaldiaren aurretik markagailua bina berdintzeko gai izan dira Gorka Valleren mutilak. Ander Fernandezek egin du banakoa korner batean, Oinatzek antzuolarren bigarrena kontrarioen hutsa aprobetxatuta, eta Imanolek berdinketa, falta baten bitartez.
Aretxabaletakoen entrenatzaile Gorka Vallek partiduaren amaieran zioen eurek egindako akatsek kondenatu duela taldea. Dena den, onartzen du Antzuola hobeto ibili zela; behintzat, bigarren zatian. Lehenengo zatiko 15-20 minutu izan ziren, bakarrik, UDAkoenak.
Bigarren zatian, Danelek atzelariei bizkarra irabazita egindako golak eman die garaipena Antzuolakoei. Ez dute, ordea, finala pozik amaitu. Izan ere, bigarren zatian zelairatu eta ordu laurdena jokatuta min hartu du Ander Aranak, eta lesio larria zirudien, probak egin aurretik.
