Gorlako azken zuzenean eraso gogorra jota, Arnau Solerendako txapela

Gorlako azken zuzenean eraso gogorra jota, Arnau Solerendako txapela
Arnau Sole, helmugan.
Lasterketa hasi dutenetik, Arnau Sole-k (Caja Rural) begi bakarra izan du errepidea zaintzeko. Beste begiak nahikoa lan zuen garaipenerako faborito zen Marc Sole (Lizarte) jarraitzen. Kataluniarrak obsesio horrekin egin ditu lasterketako 89 kilometro, baina Gorlako azken kilometroan (90 kilometro dira), paella atzean utzi eta zuzen gogorrean Sole-k makal ikusi du Soler: "Ez doa eroso", pentsatzeaz batera jabetu da indartsuago zeudela beste batzuk, tartean, igoera osoan lan handia egin duen Imanol Estevez (Zirauna) arabarra.

[ARGAZKIAK] eta [SAILKAPENA]

Orduan hasi dira tropeleko oilarrak mokoka, azken kilometro horretan indartsu nor zegoen ikusteko eraso saiakerak eginez. Etxafuegoak, azken batean, irabazleak Gorlako gainetik 600 metrora benetako tiroa jo duen arte. Alvaro Trueba (Baque Campos) berehala itsatsi zaio gurpilera, eta biek lortu dituzte 30 metro: "Hor Alvaro ostera erasotzea erabaki dut, indarrik ba ote zuen ikusteko. Ahalegin betean nindoala atzean geratzen zela ikusi dut, eta hor psikologikoki hondoa jo du, seguru; hortik aurrera ez dut burua altxa ere egin, helmugara arte".

Egia esan, gaurkoa ez da izan begi bakarraz lehiatzeko lasterketa, inoiz baino eroriko gehiago izan direlako, haize gogorraren eraginez baino, hasieratik tropelean egon den urduritasunagatik. Urduri egote horrek, baina, ez du egin azkarrago joatea, eta lehenengo igoera iaz baino mantsoago egin dute ziklistek.

Lehenengo igoera iaz baino mantsoago egin zuten ziklistek.

Aipatu moduan, Soler zen fabortitoa, eta haren taldekide Lizartekoek lan egin behar izan dute Gorla hasi baino lehenago, ihes egindako taldetxoak tarte txikia izan zezan. Mendate erdi inguruan harrapatu dituzte ihes egindako horiek, eta 25 laguneko taldetxoak ia batera egin du igoera guztia. Hala, erritmoari eutsi diote, azken paellaraino, bailarako Jokin Etxabek (Debabarrena), Eneko Lizarraldek (Gipuzkoa) eta Iker Eskibelek (Zirauna), baina, ez dute azken kilometroko borroka erabakigarrian sartzeko aukerarik izan. 51 segundora helmugaratu dira hirurak.

Aurreko taldea, Gorlako bigarren igoeran. Tartean ziren Eskibel, Etxabe eta Lizarralde.

Ordurako, Sole garaipenaz gozatzen zegoen, abizen ia berdina duen ziklistari protagonismo guztia kendu ostean. [Bihar, astelehena, Harmailatik saioak erreportaje berezia egingo du Gorlako Igoerako lasterketarekin, 19:30ean, eta 22:00etan]. 

Erlazionatuak

Txarto jokatu arren irabazi egin du Aloñak

Oñati

Sailkapenean azken postuan dagoen Lagun Onak hartu du Aloñak, etxean eta irabazi (3-1). Emaitzari erreparatuz gero aise irabazi diola iruditu arren...
Futbola: Aretxabaletak eta Aloñak irabazi, Bergarak eta Antzuolak galdu eta Mondrak berdindu

Ohorezko erregionalean denetariko emaitzak izan ditugu. Aretxabaletak eta Aloñak aurrealdean jarraitzeko borrokan irabazi egin dute –UDA bigarren d...
Saskibaloia: MUk, Eskoriatzak eta Natra Oñatik irabazi eta Bergarak galdu

Durangon jokatu dute MUko mutilek eta irabazi egin dute norgehiagoka. Eskoriatzako neskek, ostera, Tolosan erdietsi zuten garaipena eta Natra Oñati...
Eskubaloia: Ford-Mugarrik aise irabazi du etxean

Arrasate

Erraz irabazi du gaur Ford Mugarrik etxean jokatutako norgehiagoka eta erraza izanagatik ere, ez da partidu ona izan, Pablo Gartzia entrenatzailear...
Txirrindularitza: Cyril Barthe frantziarra (UC Orthez) izan da Uzarraga igotzen onena

Antzuola

Uzarragako malden jabe berria frantziarra da, Orthez herritik etorritako Cyril Barthe izan da-eta azkarrena Antzuolan. 90 kilometroko etapan zehar ...
Gimnasia erritmikoa: Gipuzkoako gimnasta gazteek Bergara izan dute topagune

Bergara

Goizean Gipuzkoako Eskolarteko B mailako Txapelketa jokatu da Bergarako Labegaraieta Kiroldegian, eta arratsaldean, ostera, Gipuzkoako Benjaminen T...