Amets Arzallus txapeldun

Arzallus eta Lujanbio buruz burukoan. (Argazkia: Gari Garaialde. Iturria: Bertsozale Elkartea)
Xabi Igoak Barakaldoko BECetik zuzen-zuzenean eman digu albistea: Amets Arzallus izan da 2013ko Bertsolari Txapelketa Nagusiko irabazlea. Eta bertatik egin digu Igoak, gainera, finalaren kontakizuna. Bihar, Asteleheneko Goienan jasoko dugu guztia. Hemen, aurrerapen bat.

Oholtza gainean zortzi protagonista: Maialen Lujanbio, Aitor Mendiluze, Sustrai Colina, Amets Arzallus, Igor Elortza, Aitor Sarriegi, Beñat Gaztelumendi eta Unai Iturriaga. Eta haien parean 13.508 belarri pare, adi-adi egunak eman duenari jarraiki.

Eta hasierako agurraren ondotik lanean ipini dira bertsolariak, 8ko handietan eta txikietan, esaterako. Hala aurreratu digu Igoak. "Puntuak erantzuterako orduan ere izan zuen distirarik saioak, Ametsek Mandelari abestean, Sarriegik hezkuntza sistemari edo Elortzak tartalariei." 

Egoerak beste aldean jarri zaitu. Horixe izan da goizeko azken ariketaren, hau da, kartzelaren gaia. Ikus-entzuleen gogokoenak bi: "Maialenek doinu berrian maitale zuenari abestutakoa eta Ametsek Guardia Zibil baten paperetik botatakoak".

Umorez hasi dute arratsaldea, baina gai sakonei heldu diete segituan. Doinu eta neurri librean erantzun diete zortzi bertsolariek, dela preso baten bikotearen paperetik, edo adimen urritasuna daukatenak gogoan izanik.

Duela lau urtetako protagonista berberak izan ditu buruz burukoak, baina bestelako emaitza. Lujanbiok eta Arzallusek lan parekatua egin duten arren, azkenean, txapela Hendaiara joan da.

Erlazionatuak

Amets Arzallus: "Gaiei buruz pentsatzeko, hobeto hausnartzeko, badut oraindik tartea"

Debagoiena

Euskal Herriko txapeldun izanda ere, umil dio hendaiarrak beste bertsolari denengandik badagoela "zer ikasia". Jator erantzun ditu Goienaren galder...
Xabi Igoa BECeko finalari buruz

Debagoiena

Amets Arzallusen agurra

Debagoiena

Amets Arzallusen agur-bertsoa Bertsolari Txapelketa Nagusiko irabazle bezala.
Txapelketaren biharamuna, sarean jasoa

Debagoiena

Urteko ekitaldi kultural nagusienetakoa denak azalak, minutuak eta bitak bereganatu ditu. Bertsozaleek ez dute beste hizpiderik gaur. Hona sarean ...
Xabi Igoaren kontakizuna ARRASATE IRRATIAn

Aramaio Arrasate

Xabi Igoa bertsolariak egin du kronika gaur Arrasate Irratian 'Igo autobusera' saioan.
Eta Ametsa egia bihurtu da

Erabiltzailearen aurpegia Kultura

Amets Arzallus da 2013ko Bertsolari Txapelketa Nagusiko txapelduna. Maialen Lujanbio izan du aurrez aurre buruz burukoan, eta saio gogoangarrian, B...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.