Aurten ere iritsi da Kantari! Laugarren edizio honetan ere Amaia Txintxurretak aurkeztuko du Karaoke programa eta 600 gaztetxo inguruk eman dute izena. Aurtengo berrikuntza entseguak dira eta zapatuan, hilaren 12an, izango da lehenengoa Aretxabaletako Arkupen.
Debagoieneko 8 eta 12 urte bitarteko 600 gaztetxok hartuko dute parte Kantarin euskal kantuak abesteko eta dantzatzeko asmoz. Lehenago azpimarratu bezala, aurtengo nobedadea entseguak dira: abestiak etxean ikasi beharko dira, izan ere, entseguok ez dira bertan kantak eta dantzak ikasteko, ikuskizun eguneko agertokia ezagutzeko eta grabaketa egunean gaztetxoak lasaiago egoteko baizik.
Esan bezala, zapatuan, hilak 12, izango da abestiak errepasatzeko lehenengo entsegua Aretxabaletako Arkupe aretoan. Aretxabaletako eta Eskoriatzako 148 gaztetxoei eskainitako entsegua izango da eta hauen emanaldialdiaren grabaketa hilaren 19an, zapatuan, izango da leku berean 15:30etik aurrera.
Datozen entseguak
Hurrengo entsegua Bergaran izango da, azaroaren 3an Zabalotegi aretoan. Bergara, Antzuola eta Elgetako 157 gaztetxoei zuzendutakoa izango da eta ikuskizuna azaroaren 9an izango da, 15:30etik aurrera.
Debagoieneko gainontzeko herriek ere jasoko dute Kantari: Oñatik abenduan eta Arrasatek urtarrilean, Arrasate eta Aramaioko gaztetxoekin.
Xehetasun gehiago jakiteko, edota Kantari saioa gertuagotik jarraitzeko jo ezazu bere blogera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
