Tim Berners-Lee fisikari ingelesa izan zen egitasmoaren burua. Interneten aita bezala ere ezagutzen den zientzialariak 1980 urtera arte egin zuen lan CERNen eta haren asmoa zen zientzialarien artean informazioa trukatzeko beharrari erantzutea. Internet HTML, HTTP protokoloa eta URLen lokalizazioarekin lotzea proposatu zuen hark eta horrek eman zuen emaitza modura gaur egungo sareen sarea. Teknlologia hori, hain zuzen, oinarri oinarrian gutxi aldatu da lehen urratsetatik gaur egunera arte. Unibertsitateen arteko sare bezala hasi zena bizkor zabaldu zen esparru akademikoetatik kanpo ere CERNek 1993 urtean dokumentu historikoa eskuragarri jarri zuenetik.
Publiko jarri zuten lehen webgunea Tim Berners-Lee berarena izan zen, gainera. Hain zuzen, World Wide Web artean berri horri buruzko argibideak eta jarraibideak ematen ziren historiako lehen webgunean. Urteurrena ospatzeko berriz ere eskegi egin dute webgunea, 1993 urtean zegoen bezala.