Snapchat da Estatu Batuetako nerabeen artean gaur egun horren bogan dauden zerbitzu horietako bat. Argazkietan oinarritutako zuzeneko txat aplikazioa da Snapchat, Instagram-en antzerakoa baina, esan moduan, txat-erako funtzioarekin. Milioika erabiltzailerekin ere, aurrera begira gazteen artean Facebook-ek duen “aspergarri” irudiak arduratzen du Mark Zuckerberg. Garai baten Myspace baztertu zen moduan Facebook alde batera utziko duten beldurrez, gazteenen artean irudia hobetzea ezinbestekotzat jotzen dute Facebook-en. Euren jabetzakoa den Instagram-en lukete orain, hortaz gakoa.
Oraindik ere milioika eta milioika erabiltzaile
Hamar urte beteko ditu aurki Facebookek eta 10.000 milioi erabiltzaileen muga gaindituko du zerbitzuak. Hazkundea itzela izan da urteetan, mundu mailako lehen sare soziala da baina animaliako neurri hori arazo izan daiteke, batez ere, kritikoak izan daitezkeen erabiltzaile poltsetan asmatzen ez badute. Adituek luze eta zabal dihardute fenomenoa aztertzen eta gehienak bat datoz nerabeen artean dagoen pertzepzio horretan masifikazioak eragin handia duela. Kontaktu pilaketak eta lagun eskaera guztiak, edukazioarengatik bada ere, onartu behar izateak sare sozialaren erakargarritasunari kalte egiten dio azken finean eta erabiltzailearen hormak harekin zerikusirik ez duten mezu eta edukiz josita bukatzen du.
Negozio ereduan ere ezin asmatu
Negozioaz arduratuta dago Zuckerberg, baina, hain zuzen, enpresa eta marka ezberdinek ere ez dute oraindik asmatu sare sozialei etekin ekonomikoa ateratzen eta askok diote nekeza eta garestia dela bertan jardutea. Ikuspegi teknikotik ere diseinua oso barrokoa eta funtzionaltasun gutxikoa dela diote diseinatzaile askok eta askok, nabigazio zailekoa gaur egun dituen osagarri guztiak kontuan hartuz gero. Hamar urte eta gero, baliteke krisi bati aurre egin beharko diola aurki Facebook-ek.