Euskal Selekzioak Venezuelaren aurkako neurketa izan zuen atzo San Mamesen eta 1-0 irabaztea lortu zuen, Mikel Jauregizarren golari esker. 40.000 ikusletik gora elkartu ziren harmailetan –tartean, debagoiendarrak–. Garaipena ospatu zuten eta selekzioaren ofizialtasunaren aldeko aldarria ozen entzun zen. Han ateratako argazkiak helarazi dizkio Kepa Barrientosek Goienari.

Europa Press agentziak zabaldu duenez, Kolonbiatik bidalitako bi koadrok kokaina likidoa zeramaten metakrilato barruan. Paketearen hartzailea atxilotu eta 1,5 kg kokaina atzeman dituzte haren etxean, Oñatin. Atxilotua Bergarako Epaitegiaren esku utzi dute.