Fagor Taldeko presidente berria da Igor Herrarte arrasatearra. Hamasei urtez izan da Joxean Alustiza presidente eta Herrartek hartu du haren lekukoa. Mondragon Assembly kooperatibako lehendakaria ere bada, eta urte luzez aritu da kooperatiba munduan lanean. Fagor Taldearen egungo egoera, kooperatiben arteko harremanak, etorkizuneko erronkak eta, gaur arratsaldeko Espainiako Erregearen bisita Mondragon Taldeko Otalorako egoitzara eta Onnera Groupera izan dituzte hizpide Berbagai saioan, besteak beste.

Debagoieneko Ernaik deituta, Espainiako Erregeak Otalorako Zuzendaritza eta Kooperatiba Garapenerako zentrora eta Onnera Groupen garbitegi plantara egindako bisita salatzeko manifestazioa egin dute Arrasateko alde zaharrean.