Joan den martitzenean, Aldayk eta etxean jokatzen ari den Arrate Bergarak lortu zuten sailkapena emakumezkoetan. Gizonezkoen promes mailan, Aratz Ormaetxea bergararrak eta Ramirezek lortu zuten gauza bera. Azkenik, nagusietan, Irribarriak eta Balerdik lortu zuten txartela. Alabaina, martitzen honetako hiru finalerdiak falta ziren, eta horiek ere definituta gelditu dira. Emakumezkoetan, Zabaletak eta Gamindek 22-13 irabazi diete Salsamendi eta Vertizi. Promes mailan, Madina eta Etxeberriarendako izan da garaipena: 22-17 irabazi diete Izagirreri eta Olanori. Nagusietan, berriz, Arribillagak eta Sotilek jokatuko dute finala, Fernandez eta Guairan menderatu ostean (22-14).
Finalak, erabakita
Horrenbestez, emakumezkoetan Aldai-Arrate, Zabaleta-Gaminde; promesetan Ormaetxea-Ramirez, Madina-Etxeberria; eta nagusietan, Irribarria-Balerdi, Arribillaga-Sotil izango dira hiru finalak. Partidu horiek txapelketaren 28. edizioa osatuko dute, 18:30ean hasita, Udal Pilotalekuan.