Lehiaketan parte hartzeko, azaleko irudiak 30x42 zentrimetroko neurria izan beharko du, 300 ppp-ko erresoluzioarekin, eta formatu bertikalean. Gainera, paperean inprimatuta eta kartoizko oinarri baten gainean aurkeztu behar dira. Horrekin batera, irudiaren kopia digitala euskarri informatiko batean entregatu behar da. Teknika librea da, baina ondorengo testua eraman beharko du kartelak nahitaez: Pentekoste jaiak 2026 Bergara. Aurkeztutako lanek originalak izan behar dute, argitaratu gabeak eta beste lehiaketaren batean aurkeztu gabeak.
Epaia jakitera ematen den egunean jakinaraziko da epaimahaia zein izango den, baina Udaleko Berdintasun, Prebentzio eta Kultura sailetako ordezkari banak, jai batzordeko ordezkari batek, komunikazioan eta diseinuan aditua den ordezkari batek eta arte disziplinan ezagutzen duten herriko bi ordezkarik osatuko dute. Hala ere, herritarrek Udalaren webgunean bozkatu ahal izango dute apirilaren 24tik 28ra bitartean, eta herritarren bozkek %40ko balioa izango dute. Irabazleak 400 euro balio duten bonuak eskuratuko ditu herriko komertzioetan erabiltzeko.
Lehiaketaren oinarri guztiak Udalaren webgunean daude eskuragarri.