100 urte kantuan kontzertua eskaini du Bergarako Orfeoiak, Udal pilotalekuan, 19:30ean, hasita. Abeslari, musikari eta dantzarien artean, 207 lagunek hartu dute parte. Orfeoiaren ibilbidearen laburpena egin dute, bideo eta argazkiekin, historian zehar izan dituen sei mugarri identifikatuz.
Orfeoiko sei zuzendariak omendu dituzte gainera, eta egun bizirik daudenek presentzialki hartu dute parte. Cristina Larrañagak eta David Azurzak, esaterako, pieza bana zuzendu dute eta publikoaren txalo zaparrada handia jaso dute. Herriaren aitortza ere jaso dute gainerako zuzendariekin batera.
Frontoia bete egin da eta herriko askotariko eragileek hartu dute parte emanaldian.
Amaieran, hainbat oroigarri jaso ditu baita ere orfeoiko zuzendari Kontxi Laskurainek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
