"Gaur egungo errealitatera egokitutako anbizio handiko" aurrekontuak dira, EH Bilduren ustez. "Berdintasuna, ingurumena, auzoak, gizarte zerbitzuak... Badaude arlo batzuk guretzat inportanteak direnak eta saiatu gara horietan indarra jartzen, gainerakoak ahaztu barik. Oreka horretan ahalegindu gara anbizio handikoak diren aurrekontu errealista batzuk aurkezten eta onartzen", adierazi du EH Bilduko eledun Nagore Iñurrategik.
EAJ: "Konfiantza falta bat eragin digu Udal Gobernuak"
Azken bi urteetan abstenitu ostean, 2023rako proposamenaren aurka bozkatu zuen EAJk. Besteak beste, konfiantza falta izan da jeltzaleen ezezkoaren arrazoietako bat. "2022ko konpromisoetarako akordioaren exekuzio-maila ze eskasa izan den ikusita konfiantza falta batetik gentozen 2023rako negoziazioetara. Horrez gain, ikusten genuen gure proposamenetako asko 2022an beteta egon beharko liratekeela [...]. Garrantzitsua da proiektua idatzita uztea; adibidez, diru-laguntza deialdi bat balego ez genuke Martokoa berritzeko proiekturik izango", dio EAJko bozeramaile Maite Agirrek.
EH Bildu: "EAJren proposamena negoziaezina zen"
Hain zuzen ere, jeltzaleek joan den astean eman zuten euren proposamenaren berri. Martokoa kalea berriro urbanizatzea, Simon Arrieta plaza berritzea, Agorrosin begirako bigarren fasea idaztea eta subiranotasun energetikorako hiru proiektu garatzeko 3.100.000 euro bideratzea proposatzen zuten, besteak beste. EH Bildurentzat, baina, negoziaezina da proposamen hori. "Bost milioi euroko inbertsio gaitasuna dugu eta 3.100.000 euro baldintzatzen zituen proposamena da jaso duguna. Denbora larregi barik jaso dugu eta uste dugu ez dela serioa. Onartu ezkero nondik kendu beharko genuke? Boluko malda egonkortu barik geratuko ginateke? Masterreka berritu barik? Oinarri teknikorik gabeko eskaerak jaso ditugu, negoziaezinak", dio Iñurrategik.
Horrez gain, Iñurrategik azpimarratu zuen 2019tik 2022ra Udalaren egoera ekonomikoa hobetzea lortu dutela, bereziki zor bizia murriztuta. 2019an 5.855.941 eurokoa zen zorra eta 2022an 4.822.205 eurokoa da. Bestalde, 2023rako proiektu esanguratsuenen artean daude, besteak beste, Masterreka berritzera bideratuta 820.000.000 euroak eta Arrizuriaga kultura ekipamendu egiteko 510.000.000 euroak.
AURREKONTUETATIK NABARMENTZEKO INBERTSIOETAKO BATZUK:
Deskribapena |
Urtea |
2023ko Aurrekontua |
HERRIGUNAREN ZOLADURA |
2023 |
200.000,00 |
JOLAS PARKEAK |
2023 |
50.000,00 |
UDAL ERAIKINAK- ZERBITZU OROKOR |
2023 |
150.000,00 |
MANTENUKO PROGRAMA INFORMATIKOA |
2023 |
80.000,00 |
URBANIZAZIOAK - (MASTERREKA, …) |
2023 |
820.000,00 |
BIDEGORRIAK ETA MUGIKORTASUNA - (BUS GELTOKIA - ESKUSARTE) |
2023 |
450.000,00 |
AUZOETAKO AZPIEGIT -URBANIZAZIOAK |
2023 |
100.000,00 |
OSINTXUKO PLAN BEREZIA - ARI |
2023 |
30.000,00 |
BASERRI BIDEAK ETA KUNETAK |
2023 |
200.000,00 |
BOLUKO MALDA |
2023 |
200.000,00 |
AUZOETAKO BIRGAITZE PROIEKTUAK |
2023 |
30.000,00 |
LUR EROSKETA-INGURUMENA |
2023 |
30.000,00 |
INGURUMENKO PROIEKTUAK |
2023 |
149.000,00 |
ENERGIA BERRIZTAGARRIAK (PLAKAK) |
2023 |
175.000,00 |
KULTUR LOKALAK (ARRIZURIAGA) |
2023 |
510.000,00 |
AUZOETAKO FRONTOIAK |
2023 |
25.000,00 |
KIROL INSTAL FRONTOIA (UDAL PILOTALEKUA, NEXT GENERATION ETORRIKO BALITZ) |
2023 |
780.000,00 |
AZOKA ELKARREKIN |
2023 |
230.000,00 |
ETXEZ ETXEKO ZERBITZUA |
2023 |
1.060.000,00 |
GAZTELEKUA, LUDOTEKA |
2023 |
329.000,00 |
KANPO KONTRATAZIOA - BERDINTASUNA (ADIBIDEZ EMAKUMEEN ETXEA SORTZEKO PARTE HARTZE PROZESUA) |
|
47.000,00 |
OHZren DIRULAGUNTZA PROGRAMA |
|
20.000,00 |
Bestalde, 2019a ezkero Udal Gobernuarentzat "lehentasunezkoak" diren arloetan izandako igoeren berri ere eman dute:
- Berdintasunean 159.920 euro izango da aurrekontua; 2019an baino % 173,08 gehiago.
- Gizarte zerbitzuetan, 2023an 2.680.212 eurokoa; 2019an baino % 42,84ko gehiago.
- Garapen ekonomikoan, 793.251 eurokoa izango da aurrekontua; 2019 urtetik % 48,64ko igoera.
- Kulturan 1.412.098 eurokoa; % 72,44eko igoera 2019tik
- Auzoetan, 2023an 861 000 euro, %78 gehiago 2019an baino. Baina zintzoak izanda hauetako 195 000 euro boluko maldaren egonkortzerako dira. Beraz auzoetara zuzenean 2019an baino %38 gehiago bideratuko da.
- Ingurumenean, %25,9ko igoera. Baina benetan ingurumen eta biodibertsitatera bideratutako die auren 770.000 euro. %58ko gehiago 2019arekiko.
Kaleko katuen zaintzarako hitzarmena
Gai zerrendako beste puntuetako bat izan zen kaleko katuen gainpopulazioa ekiditeaz eta haien zaintzaz arduratzeko sortu zen Katuzo elkartearekin hitzarmena onartze. Bertan izan ziren elkarteko kideak eta oso pozik daude hitzarmena aho batez onartu zelako. "Esterilizazioa, txertatzea, jana eta etxola batzuk egokitzea, eta behar dutenean albaitariarengana eroatea da helburua; zorioneko gaude udalbatzak hitzarmena aho batez onartu duelako.
Mozal Legea salatzeko elkarretaratzearen bueltako eztabaida
Amaitzeko, galderen eta eskaeren tartean, Xaxauk Mozal Legea salatzeko elkarretaratzearen bueltan eztabaida izan zen, EAJk gaia atera ostean. Jeltzaleek lege horren kontra daudela esateaz gain, alkateari leporatu zioten isuna tramitatu izana; horren aurrean alkateak adierazi zuen “asko” kezkatzen diola zinegotzi batek adierazpen hori egin izana, tramitazio horiek Udaletik “erabat kanpo” daudela ez dakiela erakusten duelako nabarmen.