Paper-fabriketako hondakinak tratatzeko Bergaran eraikitzekoak diren plantaren kontra dagoen Larramendiko Arnasa taldeak laguntza eskatu die Bergarako eta inguruko eragileei Jaurlaritzak Valogreene enpresari emandako baimena dela eta. Horretarako, bilera deitu dute gaurko, apirilaren 26rako; Bergarako San Juan auzoko ermitan izango da bilera, 19:00etan.
Valogreene Paper BC enpresak Larramendiko planta eraikitzeko beharrezkoak zituen baimenak lortu ditu eta planta eraikitzeko prest dagoela azaldu du. Apiril hasieran hain zuzen ere, eman zion Jaurlaritzako Garapen, Jasangarritasun eta Ingurumen Sailak Ingurumen Baimen Bateratua. Eta enpresaren asmoa da, eraikitze lanak datozen hilabeteetan hastea.
Bergarako Udala ez dago ados Jaurlaritzak baimena eman izanarekin, eta ondorioz, horren kontrako errekurtsoa jarriko duela jakinarazi zuen.
Era berean, planta hori eraikitzearen aurka dagoen Larramendiko Arnasa taldea kezkatuta agertu da kontuarekin, eta laguntza eskatu die Bergarako eta inguruko eragileei.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
