Eusko Jaurlaritzaren Ingurumen Baimen Bateratua jaso du Larramendiko plantak

Jokin Bereziartua Lizarazu 2022ko api. 12a, 13:24
Larramendi industrialdeko H partzela, airetik ikusita.

Paper-fabriketako hondakinak tratatzeko Larramendin aurreikusita dagoen plantaren bueltan badago nobedaderik. Eusko Jaurlaritzak emandako baimenari errekurtsoa jarriko dio Udalak, ohar bidez jakinarazi duenez. Valogreene Paper BC enpresarengana ere jo du GOIENAK; diote "oraingoz" ez dutela ezer esateko.

Paper-fabriketako hondakinak tratatzeko Larramendin aurreikusita dagoen plantaren bueltan badago nobedaderik. Izan ere, Udalak apirilaren 8an jaso zuen Jaurlaritzako Ingurumen Iraunkortasunaren sailburuordetzaren partetik Elxeko (Alacant) Valogreene Paper BC enpresari Ingurumen Baimen Bateratua ematen diola jakinarazteko ebazpena.

"Udalak azaroaren 22an bidalitako alegazioei ez zaie erantzuten. Alegazioetan, laburbilduz, esaten zen: Plan Orokorrak ez du jasotzen hondakinen kudeaketarako azpiegitura erabilera, eta, beraz, ez dago Larramendiko H partzelarako onartuta. Bestetik, hondakinen kudeaketaren erabilera ere ez da bateragarria, erabilera osagarri bezala onartuta dagoelako, baina ez erabilera nagusi bezala", esan du Udalak, ohar bidez. Jaurlaritzaren idatziak dio ingurumen inpaktuaren adierazpena egin dela eta baimena eman zaiola enpresari "karedun materialaren ekoizpenerako". Ingurumen baimenari errekurtsoa jarriko dio Udalak.

Valogreene enpresarengana jo du GOIENAk; diote "oraingoz" ez dutela ezer esateko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak