Bergarako historia soziala jasotzen hasi da Badihardugu elkartea

Bergarako Udalak eta Badiharduguk abiatutako proiektua da Euskararen historia soziala Bergaran. Helburua gerraosteko euskalgintzaren memoria jaso eta zabaltzea da, eta horretarako hamalau lagun elkarrizketatu dituzte dagoeneko.

Laboratorium museoan egin dira orain arteko hamabi elkarrizketak, eta bide beretik jarraitzeko asmoa dute datorren astean ere. Badihardugu elkarteko Idoia Etxeberria ari da elkarrizketak egiten eta hamalau dira dagoeneko hartu dituen bergararrak.

Askotariko eremuetatik (hezkuntzatik, antzerkigintzatik, bertsolaritzatik…) euskarari ekarpena egin dioten herritarrak dira; izan ere, egitasmoaren helburua horixe da: euskalgintzaren memoria jasotzea eta zabaltzea, herriko euskararen historia soziala ezagutarazteko.

Bergarako Udalak azaldu du Udaleko Euskara Zerbitzuak "aurrelan handia" egin duela pertsona egokiak bilatzen eta aukeratzen. Elkarrizketak egin aurretik haiekin bildu dira eta dokumentatu ostean, honako hauek aukeratu dituzte lehenengo pasarteak grabatzeko: Jose Luis Gorrotxategi, Koldo Alberdi 'Egileor II'Maite Barrena, Jabier Mendizabal “Surra”Rosa Narbaiza, Gotzon BikuñaEneko OregiJuan Martin ElexpuruJerardo ElortzaArantzazu NarbaizaBlanca NarbaizaMikel LazpiurArantxa Ibarzabal eta Arantzazu Oregi.

 

Erlazionatuak

Gerraostetik 1980ra arteko Bergarako euskalgintzaren memoria batzeko ahalegina

Bergara

1939tik 1980ra euskarari eusteko egin zen lanaren testigantza jaso nahi du Udalak eta horretarako proiektu berri bat abiatu du Badihardugurekin: "O...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.