Eguerdirako zuten deituta manifestazioa Bergaran, eta horrela egin dute. Herriko San Martin plazatik abiatu da manifestazioa, Antolatu indarrak. Batu borroka feministara leloarekin. Aurretik, plazan bertan, performance txiki bat egin dute hainbat emakumek eta emakume pentsiodunen egoera ere gogora ekarri dute. Herriko beste leku "sinboliko" batzuetan ere egin dituzte performanceak, leku bakoitzean gai ezberdin bat landuz.
Herritar asko batu dira manifestazioan eta herriko kaleak zeharkatu dituzte elkarrekin.
Emakumeen Egunari lotuta, emakume artisten erakusketa zabaldu zuten egubakoitzean Aroztegi aretoan. Bergarako 21 artistaren lanak daude ikusgai Amalurra izeneko erakusketaren baitan. Hilaren 29ra arte egongo da zabalik.
