Iker Ugarte bergararra Espainiako azpi-txapeldun ziklo-krosean

Iker Ugarte bergararra Espainiako azpi-txapeldun ziklo-krosean
Iker Ugarte podiumean.

Gaur, urtarrilak 13, Legazpin jokatu den Espainiako txapelketan bigarrena izan da Lokatza Bolintxo okindegia taldeko Iker Ugarte kadetea. Ibilbideak asko baldintzatu duen lasterketa izan da, eta bergararra ezin hobeto moldatu da hango lokatzetara.

Errepideko denboraldia hasi baino lehen Lokatza Bolintxo okindegia taldeko hainbat txirrindulari ziklo-krosean dabiltza. "Iker Ugarte maila handiko ziklista da eta batean zein bestean moldatzen da ondo", adierazi du Lokatza elkarteko presidente den Jon Unamunok, eta gaineratu du: "Lokatz asko zegoen gaur Legazpin, hortaz, lasterketa fisikoa izan da batez ere. Eta Iker, duen fisikoak lagunduta, oso ondo moldatzen da halakoetan". 

Lasterketa irabazi du Kantabriako selekzioko Alain Suarezek, hirugarrena izan da Madrilgo Daniel Criado eta laugarren postuan geratu da Euskadiko selekzioko Mikel Beraza. "Ez da gero ahuntzaren gauerdiko eztula Ikerrek lortu duena! Pozik egoteko moduan gaude", zioen Unamunok.

Erlazionatuak

Iker Ugarte: "Lesionatuta egon naiz eta ez dut denboraldi ona egin baina Legazpiko proba ondo gertatuta joan nintzen"

Bergara

Lokatza Bolintxo okindegia taldeko Iker Ugarte kadete bergararra azpi-txapelduna izan da atzo Legazpin jokatutako Espainiako ziklo-kros txapelketan.