Txalo artean hartu dute Juan Carlos Arriaran 'Sali'

Juan Carlos Arriaran 'Sali' Irala kalera iristen.

Barikuko gora-beheren ondoren, atzo, zapatua, iluntzean egin zioten Juan Carlos Arriaran Sali bergararrari ongietorria jaioterrian. Irala kalean batutako herritarrek txalo artean hartu zuten; Arriaranek esker hitzak izan zituen guztiendako.

30 urtez sorterritik kanpo egon ondoren, egubakoitzerako zegoen iragarrita Juan Carlos Arriaranen ongietorria, baina hitzordura zihoala, atxilotu egin zuen Polizia Nazionalak. Justizia frantsesak "terrorismoagatik" 2005ean emandako euroagindua beteta atxilotu zuten, Barne Ministerioak barikuan jakinarazi zuenez.

Atzo, zapatua, goizean deklaratu zuen Audientzia Nazionalean eta aske laga zuten. Arriararen gertukuek azaldutakoaren arabera, badirudi euroaginduaren tramitazioan gora-beherak egon litezkeela eta guztia argitu arte, astero joan beharko da Bergarako epaitegira sinatzera.

 

 

Erlazionatuak

Goizean Audientzia Nazionalean deklaratu ostean aske laga dute 'Sali'

Bergara

Juan Carlos Arriaranen gertukoek azaldu dutenez, haren kontrako euroagindua indarrean dagoen ala ez argitu arte, astero joan beharko da Bergarako e...
Juan Carlos Arriaran atxilotu dute Bergaran

Bergara

Polizia Nazionalak atxilotu zuen atzo, Barne Ministerioak jakinarazi duenez, justizia frantsesak "terrorismoagatik" 2005ean emandako euroagindua be...