Goizean Audientzia Nazionalean deklaratu ostean aske laga dute 'Sali'

Juan Carlos Arriaranen gertukoek azaldu dutenez, haren kontrako euroagindua indarrean dagoen ala ez argitu arte, astero joan beharko da Bergarako epaitegira sinatzera. Gaur, zapatua, 20:00etan, harrera egingo diote Irala kalean.

Iturri berberek gehitu dutenez, goizean deklaratu du Madrilgo Audientzia Nazionalean eta "azkenean aske atera da", esan dute. Azaldu dutenez, justizia frantsesak hura atxilotzeko emandako euroagindua egon badago, "baina ez omen dago garbi indarrean dagoen ala ez". Hori horrela, eta egoera argitu bitartean, astero joan beharko du sinatzera Bergarako epaitegira.

Harrerara zihoala atxilotu zuten

Juan Carlos Arriaran Sali atzo, egubakoitza, atxilotu zuen Polizia Nazionalak, justizia frantsesak "terrorismoagatik" 2005ean emandako euroagindua beteta, Barne Ministerioak jakinarazi zuenez. Barne Ministerioaren arabera, Sali-k 1982an alde egin zuen Mugarra taldea desegin ondoren. Bi urte geroago, Frantziak Panamara kanporatu zuen eta 1990ean Venezuelara estraditatu zuten.

30 urtez jaioterritik kanpo egon ondoren, atzo, egubakoitza, Bergaran egitekoak ziren harreraren aurretik atxilotu zuten, 19:15ean. Hain zuzen, etxetik, baserritik, atera zenean harrerara joateko.

Hori horrela, gaur, zapatua, egingo diote harrera, 20:00etan, Bergarako Irala kalean.

Erlazionatuak

Txalo artean hartu dute Juan Carlos Arriaran 'Sali'

Bergara

Barikuko gora-beheren ondoren, atzo, zapatua, iluntzean egin zioten Juan Carlos Arriaran Sali bergararrari ongietorria jaioterrian. Irala kalean ba...
Juan Carlos Arriaran atxilotu dute Bergaran

Bergara

Polizia Nazionalak atxilotu zuen atzo, Barne Ministerioak jakinarazi duenez, justizia frantsesak "terrorismoagatik" 2005ean emandako euroagindua be...