Gabonetan hondakin bilketa zerbitzuak aldaketak izango ditu

Gabonetako jaiegunak direla eta, atez ateko hondakin bilketak zenbait moldaketa izango ditu.

Aldaketa horiek egun zehatz batzuetan eta jaiek irauten duten bitartean soilik egongo dira indarrean. Horren ostean, ohiko egutegira bueltatuko da zerbitzua.

Herritarrendako egun bereziak

Abenduaren 24an eta 31n, gauean egin ohi den bilketa zerbitzua eguerdian egingo da; beraz, konpresak, pixoihalak-eta 13:30ak baino lehen atera beharko dira.

Etxeko hondakin handien bilketa (altzariak, koltxoiak, etxetresna handiak….) abenduaren 23an eta 30ean egingo da, ohiko zerbitzua bere horretan mantenduko da-eta. Gogoan izan behar da, baina, hondakin horiek jasotzeko aurrez 943-71 19 38 telefonora deitu behar dela abisua emateko.

Merkataritza eta industria

Komertzioen eta industriaren bilketa egunetan ere aldaketak egongo dira. Bi sektore horien zerbitzuaren nondik norakoak azaltzeko, Udalak Bergara.net webgunean bi sektore horien bilketa zehatz azaltzen duen koadro bana eskegi du.

Webguneko koadro horietan zehazten dira egunez egun sektore bakoitzak zein frakzio eta noiz atera behar dituen.

Erlazionatuak

Aldaketak egongo dira hondakinak biltzeko zerbitzuan Gabon jaiotan

Gabonetako jai-egunak direla-eta, Debagoieneko Mankomunitateak hondakinak biltzeko zerbitzuan hainbat aldaketa egongo direla gogorarazi gura die er...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.