Txakurrek gogotik egin diete tira korrikalariei Gorlako mushing proban

Salda beroa eskuetan, Gorlan ospatu den bigarren Mushing txapelketaz gozatu zuten asteburuan bertara gerturatu ziren kirolari eta kuxkuxeroek. Zapatu eta domekan ehun korrikalari inguruk parte hartu zuten Euskadiko Txapelketa absoluturako puntuagarria izan de mushing txapelketan.

KIROL KRONIKAK
Futbola
Mondrak estrategia jokaldi bati esker irabazio dio UDAri
Antzuolak berdindu, Martuteneren aurka, abantailari ezin eutsirik
Arizmendi irabazle Mondraren aurkako derbian
Errugbia
Pareko barik segitzen du Kanpanzarrek, Arratiari 20-3 irabazita
Saskibaloia
Gogor borrokatuta, Cafes Aitonaren aurka irabazi du Natra Oñatik
Pelota
Julen Retegik Xala menderatu du Oñatin

Kanikrosa izan zen korrikalari gehien batu zituen modalitatea eta Felipe Larrazabal nafarra izan zen gizonezkoetan bi egunetan azkarrena; emakume azkarrena Leire Fernandez izan zen. Fernandezek gainera hilabete barru Frantzian jokatuko den Europako txapelketan parte hartuko du eta Gorlakoa "entrenamendu" bezala erabili zuen. Proba gogor hasi zuen Fernandezek eta ibilbide osoan zehar martxari eutsita erraz irabazi zuen, hurrengo emakumeari ia hamar minutura utzita. Larrazabali ostera gehiago kosta zitzaion garaipena lortzea; lasterketako kilometro gehienak hiru korrikalariko taldean egin zituzten eta azken metroetan estutu ostean lortu zuen lehenengo postua.

Zapatuan federatuen txanda izan bazen; domekan herri mailako kirolariek ere hartu zuten parte lasterketan eta ikusle gehiago gerturatu ziren Gorlara.  

Federatuak eta herri kirolariak

Zapatu arratsaldean jokatu zuten lehenengo txanda federatuek, bost kilometroko zirkuitua egin zuten lau modalitatetan. Txakur-krosa, bi txakurrek tiratutako patinak, txakur batek tiratutako bizikleta eta lau txakurrek gidatutako gurdia. Eguraldia kaskartzera zioala zirudien arren, korrikalari eta txakurrak ondo moldatu ziren Gorlako pistetan zehar.

Domekan ostera, federatuak eta herri kirolariak lehiatu ziren, 7,5 kilometroko ibilbidean. Txakur-kroseko parte hartzaileak izan ziren korritzen azkenak eta ordurako Gorlan ikusle nahikotxo batu ziren animoak emateko prest. Larrazabal eta Fernandez federatuetan irabazleak izan baziren, herri lasterketako azkarrenak Gaizka Aretzaga eta Aida Males izan ziren; lehenak 28:43ko denbora egin zuen eta bigarrenak 33:41eko denbora. Bergarar azkarrena ostera, Fernando Cobos izan zen.

Mushing-a indartzeko lanean

Antolatzaileek pozik amaitu zuten asteburua, giro ezin hobean ikuskizuna eman zutelako kirolari eta txakurrek eta iaz baino jende gehiagok parte hartu zuelako. Aurtengoan Burgosetik, Asturiasetik eta Aragoitik jendea etorri dela azpimarratu zuten eta pixkanaka kirol probari indarra ematea helburu dutela gaineratu zuten.

Ibilbidea aldatu dute aurtengo ediziorako eta korrikalarien ustetan antolatzaileek asmatu egin dute; izan ere, asfalto gutxiago dago ibilbidean eta hori txakurrentzat positiboagoa dela esan zuten.

Beraz antolatzaileak indarrez amaitu dute aurtengo Gorlako mushing txapelketa eta kirol mota hau gurean indarra har dezan jarraituko dutela argitu dute. Izan ere kostalde inguruan afizio gehiago dagoela argitu zuten, baina pixkanaka bada ere gurera heltzen ari den diziplina dela gainera zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.