/562_104817416353558_1142990548_n%20(1)_5.jpg)
Isunei dagokienez, Bergara Garbiak salatzen duena da martxoaren 17ko bandoaren arabera, zabor-poltsak batzen dituztenek "ezin" dutela jakin haiek zer duten barruan, "baina kubo barruan sartuta badago, bai; a ze lotsa gutxi!", diote. "Eta zela ez, isun ekonomikoen mehatxua okurritu zaien errekurtso inteligenteena da. Inposatu, beldurtu eta gero herria zigortu; horixe da Bildu-Aralarren politika", gaineratu dute.
Bilketa ez da birziklatzea
Bildu-Aralarren "gezurrei" dagokienez, berriz, Bergara Garbiak argi utzi gura du ez dela gauza bera honakinen bilketa selektiboa eta birziklatzea. "Atez atekoa sistema bat besterik ez da, ez ditugu nahastu behar bilketa selektiboa eta birziklatzea, ez dira gauza bera, eta hori egiteko ahaleginetan dihardu hasieratik Bildu-Aralarrek: euren gezurrekin mareatu".
Bukatzeko, jakin gura dute 2014ko aurrekontutik zer dela eta aurreikusi diren 1,9 milioi euro "herriak nahi ez duen bilketa sistema ezartzeko, are gehiago langabezian diren Bergarako familia ugariek bizi dituzten une gogor hauetan", diote.
