Gerra Napoleonikoen garaia oinarri hartuta, Bergarako besarkadaz mintzatu ziren, esaterako. Kerexetaren ustez mitifikatu egin den gertakaria da. Besarkadaren gainean adiskidetasunaren pertzepzio bat badagoela esan zuen, baina kontrara ere kalifikatu izan dela, traizio moduan; "historiara jotzen dugunean beti egiten dugu aukeraketa bat", esan zuen. "Hein handi batean azaleko gauzetan geratzen gara mamiari edo sakontasunari garrantzia txikiagoa emanez". Eta modu horretan bertaratutakoak hausnartzera gonbidatu zituen.
Historiaren zati batekin geratzen garela ere azpimarratu zuen: "Zer da interesatzen zaiguna; historia beliko-politikoa, Besarkadaren historian ondo laburtzen dena, ala bestelako historia ere bai? Hau da, ekonomiko-soziala? Izan ere, Besarkadan emakumeak ere baziren eta dokumentuetan ez dira ageri, ez Gerra Karlistetan, Foruetan...
Erakusketa hilaren 29tik aurrera
Proiektuaren barruan hilaren 29an Aroztegin 1808-1813 Inbasio napoleonikoak izeneko erakusketa irekiko da.
