Bigarren atalean Amaia Urrestilla Erkizia makilatzailearekin hitz egin dugu, bere ibilbide sortzaileaz eta makillajeak duen dimentsio artistikoaz. Zumaiatik abiatuta, fantasiazko makillajea, protesiak eta estetika kontzeptualak landuz, Amaiak eraiki duen unibertso propioan murgildu gara.
Elkarrizketan zehar, zineman, telebistan eta musikaren esparruan egindako lanak jorratu ditugu, baita kamera piztu aurreko une bereziak, sormen prozesuak eta industriaren barruko erronkak ekarri ere.
Edertasunaren mugez, irudiaren botereaz eta makillajeak istorioak kontatzeko duen gaitasunaz hausnartu dugu, makillajea arte eta adierazpen modutzat ulertzeko gonbidapena luzatuaz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.