Gesalibarko bainu-etxearen nondik norakoak aletuko ditu Juan Pedro Valenzuelak, bainuetxearen sortzailearen senideak, biharko saioan: "Izan ere, Mendia familiako kidea da; haren aurrekoak 1825etik 1997ra bainu-etxearen jabeak izan ziren. Istorio bitxiak kontatuko ditu", azaldu zuten aurkezpenean.
Azkenik, azaroaren 29an, Irulegiko Eskua jorratuz eta baskoien lurraldera atzera eginaz amaituko dute zikloa. Aurkikuntza haren indusketako zuzendariak, Aranzadi Zientzia Elkarteko Mattin Aiestaranek, egingo du berba, Kulturateko areto nagusian, 19:00etan. Irulegi, bidaia arkeologiko bat baskoien lurraldera izenpean egingo du saioa.