Gipuzkoako zerrendaburua izan da Romero eta Alderdi Sozialistak bi ordezkari lortu dituenez Kongresuan, Madrilen izango da hori.
EH Bilduk ere bi ordezkari lortu ditu Gipuzkoan eta Maddalen Urzelai oñatiarra hirugarrena zenez zerrendan ez du Madrilera joaterik izango.
Sumar-en kasuan lurraldeko hirugarren hautagaia zen Juan Luis Merino eskoriatzarra, baina koalizio honek ez du ordezkaritzarik lortu.
Gipuzkoan bina ordezkari eskuratu dituzte EH Bilduk, PSE-EEk eta EAJk. EH Bildu izan da boto gehien jaso dituen alderdia 116.414 (%31,26) eta PSE-EEk bigarren postua lortu du 86.711 botorekin (%23,28). EAJ hirugarren indarra izan da 84.338 botorekin (%22,65).
Senatuan ordezkaririk ez
Eusko Alderdi Jeltzaleak ez zuen hautagai debagoiendarrik Kongresurako baina bai Senaturako. Anoetan bizi den Rafael Uribarren arrasatearra hirugarrena zen Gipuzkoako zerrendan, baina ez du lortu han izateko behar besteko boto kopururik.
Abuztuaren 17an eraketak
Kongresua eta Senatua abuztuaren 17an eratuko dira, mahaien hautaketarekin eta kargu hartzeekin.