EH Bilduri dagokionez, Mertxe Aizpurua da Kongresurako hautagaia Gipuzkoatik, baina bailarakoak dira hirugarren, laugarren eta bosgarren doazen hautagaiak; hurrenez hurren, Maddalen Urzelai eta Larraitz Ugarte oñatiarrak, eta Pello Urizar arrasatearra. Senaturako zerrendetan, aldiz, ez da inguruotako inor.
Eusko Alderdi Jeltzaleak ere baditu hautagai debagoiendarrak, baina ez Kongresurako, Senaturako baizik. Hain justu, Gipuzkoako zerrendetan hirugarrena da Rafael Uribarren. Anoetan (Gipuzkoa) bizi da, baina arrasatearra da jaiotzez.
EH Bildun eta EAJn ez ezik, PSE-EEn ere badira bailara-kideak, Rafaela Romero arrasatearra baita Gipuzkoako zerrendaburua Kongresurako. Are, Sumar-ek ere badu ordezkaritza, lurraldeko hirugarren hautagaia izango baita Juan Luis Merino eskoriatzarra Kongresurako.