Arrasaten jasotako datuen berri eman dute bideoan: 280 lagunek 7,5 tona zabor atera zuten zortzi erreka tartetatik, Arrasate eta Bergara artean. 820 kilo txatarra guztira, eta litxarreria poltsak, erabilera bakarreko plastikoak edota taberna terrazako zakarrak barra-barra.
Auzolanaren helburua ere "naturara hurbiltzea, elkar ezagutzea eta natura zaintzearen arduraz kontzientziatzea" izan zela adierazi du taldeak. Herritarrei dei egin diete zabor ontziak erabili, zentzuz kontsumitu eta alboko establezimenduetan zabor gutxiago sortzeko neurriak hartzeko. Udalei, bestalde, neurriak hartzeko eskatu diete: hala-nola, puntu beltzen azterketa eta jarraipena egiteko, erreka sakonago garbitzeko, estalitako erreka zatiak bistaratzeko, landare inbaditzaileen kontrola eramateko eta ibaira zaborra ez jausteko sareak jartzeko.