Urteroko hitzordua izaten da Musakolan, erraketako kirolen finalena. Tenisean, Aitor Magallanes aretxabaletarra gailendu da, padelean Jorge Aranes eta Patxi Vallejo eta squashean Borja Garcia.
Santamas txapelketako finalak jokatu dira gaur goizean zehar Musakola kiroldegian. Tenis norgehiagokan, Aitor Magallanes aretxabaletarrak 2-6, 6-2 eta 7-2 irabazi dio finalean Jon Orbegozo azpeitiarrari.
Padelean, Jorge Aranes eta Patxi Vallejok osatzen duten bikoteak irabazi du final handia, Juan Luis Etxaniz eta Oscar Luquin 6-4 eta 7-6 garaitu ostean.
Squash txapelketako finala oso lehiatua izan da eta azkenean, Borja Garciak eraman du garaipena Alain Gomezi, 3-2 irabazi ondoren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.