Kids&Us hizkuntza eskolak eta Ibai-artek antolatuta, ingelesezko antzerkia egingo dute zapatuan, 11:30ean, Kulturateko areto nagusian, 12 urtera arteko haurrei zuzenduta. Sarrera doakoa izango da eta sarreran zozketa bat egingo dute. "Opariak izango ditugu bertaratzen diren ume guztientzat, Ibai-arteren eskutik".
Familian gozatzeko "plan dibertigarri" bat proposatzen du hizkuntza eskolak. "Gabonetako festa bat ospatuko dugu Storytime edo antzerki dibertigarriarekin, musika eta dantzarekin. Storytime-ak haurrentzako istorio dibertigarri eta oso adierazkor baten antzezpenak dira. Oso parte-hartzaileak eta dinamikoak dira, eta ulermen errazaren esparruan kokatuta daude beti", nabarmendu dute antolatzaileek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
