Urtero moduan, Seber Altube plazan egingo dute artisau azoka. Abenduaren 17an, goizez, 11:00etatik 14:00etara; abenduaren 23an, egun osoz, 11:00etatik 14:00etara eta 16:30etatik 20:30etara eta abenduaren 24an, goizez 11:00etatik 14:00etara.
"Gure herriko artisautza sustatzeko, sortzaile, artista eta ekoizleek bat egin dugu Arrasateko artisautzaren balioak harro plazaratuz. Honetarako, Gabonetako azokak antolatu ditugu", azaldu dute.
Hala, askotariko materialez egindako produktuak jarriko dituzte salgai azokan, besteak beste, zilarra, larrua, ilustrazioa, bitxigintza, zeramika edota kosmetika. "Gure ekoizpenak bertatik bertara ezagutzeko, artisauen lanaren balioa nabarmentzeko eta Gabonetako opari bereziak eskuratzeko aukera izango da".
