Abenduaren 21ean egingo dute Santamasetako bertso saioa, Amaia antzokian, 19:30ean, eta dagoeneko salgai jarri dituzte sarrerak, Amaia antzokiko leihatilan eta udal webgunean. Urtero moduan, AEDk antolatu du, Arrasateko Udalaren eta Santamas Komisiñuaren laguntzarekin
Alaia Martin, Andoni Egaña, Oihane Perea eta Amets Arzallus ariko dira bertsotan Santamasetan, eta Imanol Artola Felix izango da gai-jartzailea.
Sarrerak salgai daude honezkero Amaia antzokiko leihatilan zein Arrasate.eus-en, 10 eurotan. AEDko bazkideek prezio berezia izango dute, –8 euro–, betiere AEDn erosiz gero, abenduaren 16a baino lehen. "Ondoren, soberan geratzen zaizkigun sarrerak Amaia antzokira itzuliko ditugu, prezio arruntean salgai jartzeko", azaldu dute euskara elkartetik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
