Arrasateko Udalaren 2021eko eta 2022ko aurrekontu parte-hartzaileen prozesua amaitu da. 849 arrasatearrek parte hartu dute azken fase erabakitzailean eta 6.373 puntu eman dituzte. Horietatik 52 puntu baliogabeak izan dira.
Boto horiekin sei proiektu lehenetsi dituzte, 500.000 eurora arteko aurrekontua izan daitekeela kontuan hartuta:
| PROIEKTUA | BOTOAK | AURREKONTUA (eurotan) | AURREKONTU METATUA (eurotan) |
| Zigarrolako balkoia aisialdirako egokitzea | 1.675 | 40.000 | 40.000 |
| Santa Barbara parkea hobetu: Eserlekuak eta zakarrontziak berritu | 1.334 | 50.000 | 90.000 |
| Pumptrack-a: bizikleta eta patineteentzako zirkuitua (Lekua aztergai) | 1.311 | 125.000 | 215.000 |
| Aramaio errekaren ondoko bidegorria argiztatu (Alecopetik Markuletera) | 1.277 | 120.000 | 335.000 |
| Bizikletentzako aparkaleku seguruak | 1.275 | 60.000 | 395.000 |
| Gipuzkoa etorbideko zebrabideak argiztatu eta egokitu | 1.201 |
105.000 | 500.000 |
| Zebra-bideen ikusmena hobetzeko aparkalekuak egokitu | 1.185 | ||
| Komun publikoak jarri Itxaropena eta Nao Santiago haur parkeetan | 1.087 | ||
| Arrasaten euskararen memoria jasotzeko proiektua | 1.058 | ||
| Idazketa tailerrak, hitzaldiak, bisita gidatuak: herriko kultura eskaintza zabaldu | 983 | ||
| Arrasateko emakumeen historiaren ikerketa lana | 949 | ||
| Calistenia parkea San Josepen: aire librean soinketa egiteko gunea | 853 | ||
| Skate park-a Uribarrin | 830 | ||
| Arrasateko udal artxiboaren digitalizazio proiektua | 711 | ||
| Kautxuzko topeak jarri Gipuzkoa etorbideko aparkalekuetan | 631 | ||
| Erguineko txakurren gunean jolasteko elementuak jarri | 406 |
Hurrengo urratsa: proiektuak idaztea
Orain, 2021-22 aurrekontu parte-hartzaileetako proiektuak aukeratu ondoren, horiek gauzatzeko behar diren proiektuak idazteari ekingo dio Udal Gobernuak. "Asmoa da behar diren lan eta obra guztiak aurten bertan hastea", azaldu dute Gobernutik.
Parte-hartzeak gora egin du
Arrasaten erroldatuta dauden 10 urtetik gorako arrasatear guztiek bozkatu ahal izan dute eta parte-hartzea, 2019ko azken edizioaren aldean, %17 igo da.
Udalak bi bide jarri zituen botoa emateko: online, Arrasate.eus-en, eta aurrez aurre, BAZen, Kulturaten, Etxaluzen eta Kiroldegian. Gehiago bozkatu da online (635 pertsona), aurrez aurreko modalitatearen aldean (214). Aurrez aurreko botoak honela banatu dira: 112 Kulturaten, 57 BAZen, 43 kiroldegian eta 2 Etxaluzen.
Adin tarteari dagokionez, 30 eta 49 urte bitartekoek eman dute boto gehien: 388 (%46). Ondoren, 50 eta 69 urte bitarteko 249 pertsonak eman dute botoa (%29).