Zientzia, ingeniaritza, teknologia eta matematikak sustatzeko egitasmoa, martxan

Mondragon Goi Eskola Politeknikoak eta Huhezik abiarazi dute Mondragon ZTIM HUB delakoa. Proiektu potolo hori garatzen joan dadin, aste honetan, hezkuntza mahaiaren lehen batzarra egin dute, bailarako hiru ikastetxetako ordezkariekin.

Lanketa honek, helburu nagusi bezala, ZTIM bokazioen sustapena du gazteengan, bereziki emakumezkoengan. Bide horretan, ZTIM lanbideen bistaratzea, genero aurreiritzi gabeko orientazioa, ZTIM jardueratan esku hartzea eta ikastetxeetako hezkuntza proiektuetan eragin nahi du. Abiapuntu nagusiak ZTIMUlab eta Kolaborategia dira.

Proiektu potolo hori garatzen joan dadin, aste honetan, hezkuntza mahaiaren lehen batzarra egin dute. Bailarako ikastetxe guztiei gonbidapena bidalita, lehen batzarrean, hiruren ordezkariak egon dira: Bergarako Aranzadi ikastola, Oñatiko Txantxiku ikastola eta Arrasateko Institutua. Lehen urratsa izan da.

Ikasleendako eta irakasleendako, zientzia, ingeniaritza, teknologia eta matematikak oinarri izango dituzten guneak sortze aldera, askotariko ekintzak egingo dituzte. Hezkuntzako arduradunekin hasi dira, baina, hurrengo astean enpresen ordezkariekin elkartuko dira, eta aurrerago, udal ordezkariekin. Sarea osatzea eta elkartasuna ezinbestekoak.

HUB gehiago, aurrerago

Arrasatekoa izango da Mondragon ZTIM HUB sarearen lehen gunea. Erreferente izango dena. Dada, epe luzerako proiektu bat da denez, etorkizunean, Euskal Herrian zehar hainbat HUB egongo direla espero dute arduradunek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.