Garagartza auzoko kobazuloan aurkitu zuen Jose Miguel Barandiaranek 1964an pleistozenoko garaiko humero hezur bat, Euskal Herrian aurkitutako giza aztarnarik zaharrena. Hezur horren erreplika da, besteak beste, erakusketa interesgarri egiten duten osagaietako bat. Egitasmoa joan den barikuan inauguratu zuten eta apirilaren 9a arte egongo da bisitagai.
Arrasateko Udalarekin batera Aranzadi, IkerBasque, Euskal Herriko Unibertsitatea, Eusko Jaurlaritza, Gipuzkoako Foru Aldundia, Gordailua eta Arrasate Zientzia Elkartea aritu dira galeriari forma emateko elkarlanean. Zientzia Elkarteko Jose Angel Barrutiabengoa eta Javier Bengoari eman dizkie eskerrak, bereziki, Foru Aldundiko kultura zuzendariak.
Lezetxikin 21 urtean egin dituzte indusketak 500 ikertzailek baino gehiagok. Duela hilabete batzuk, gainera, aztarnategiaren behin betiko babes juridikoa lortu zuten. Jose Miguel Barandiaranek burututako indusketa guztiak azaltzen diren liburuxka ere argitaratu dute aurten. Arkeologoendako urte positiboa izan dena erakusketarekin borobiltzea pozgarria dela aipatu dute antolatzaileek.
Milaka urte atzera egin arren, bisitariak gaurkotasun handiko gaiekin egingo du topo: klima aldaketa larrien ondorioekin edota migrazioarekin, besteak beste. Izan ere, neandertala bizirauteko gaitasun handia erakutsi zuen espeziea izan zen, eta frogatuta dago rol berdintsuz banatutako giza-talde txikiak osatuta egiten ziola aurre egunerokoari.
Lezetxiki koban duela 200.000 urte bizi izandako neandertal espeziearen gaineko erakusketa zabalik
Kulturateko klaustroa arkeologia museo bilakatu dute datozen lau hilabetetarako, Arrasateko Lezetxiki koban duela 200.000 urte bizi izandako neandertal espeziearen gaineko erakusketarekin.
Erlazionatuak
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
