Azken egunetako euri zaparrada iraunkorren ondorioz, oso hazita doaz Deba eta Aramaio ibaiak Arrasaten. Musakolan, esaterako, tailer batean sartu da ura eta San Andres auzoan, Deba ibaiaren ondoan dauden ortu batzuk kaltetu ditu urak.
Horrez gain, Arrasate Pasealekuan garaje batzuetan ura sartzen ere hasi da eta su-hiltzaileak gerturatu behar izan dira. "Urak ez du aparteko arazorik sortu, baina transformadore indartsu bat dago ondoan eta badaezpada etorri gara", azaldu dute. "Orain, gainera, ibaia apur bat lasaiago dator. 04:00etan izan da une kritikoena, gainezka egiteko zorian egon baita ibaia".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
